Monday, January 2, 2012

ജനുവരി

ജനുവരി
കേട്ടുകൊണ്ടാവാം വായന





പുലർകാല മഞ്ഞിൻ പുതപ്പുമായെത്തുന്ന
പുതുമയെ വാരിപ്പുണരുന്ന ജനുവരി
പുളകമണിയി,ച്ചെത്തുന്നെൻ മനതാരിൽ
പൊന്നിൻ ചിലങ്ക തൻ നാദമുണർത്തി


പറന്നുയരുന്നൊരീ മോഹങ്ങൾ ചിറകേറി
പാടിയാടുന്നൂ, വിണ്ണിൽ വർണ്ണ പട്ടമായ്‌
പ്രണയപരവശയാമൊരു തെന്നലും
പായുന്നു തൊട്ടു, തൊട്ടില്ലെന്നപോൽ


പൊൻ നൂലിൽ കോർത്തോരക്ഷരങ്ങൾ
പായുന്നു മാലോകർ തൻ ആലയത്തിൽ
പാട്ടിന്നകമ്പടിയായി എത്തുന്നു തകിലും
പക്കമേളം കൊഴുക്കുന്നു നെഞ്ചകത്തും


പരിമളം പരത്തുന്ന പൂക്കളും ചൂടിയവൾ
പാർവ്വണ ബിംബമായണഞ്ഞിടുമ്പോൾ
പനിനീരിൽ മുക്കിയ പ്രണയപ്പൂത്താലി
പരിണയോൽസവത്തിനായ്‌ ചാർത്തിടുന്നു


പാലാഴി തന്നിൽ കടഞ്ഞെടുത്തുള്ളൊരീ
പട്ടിൽ പൊതിഞ്ഞൊരു തങ്കത്തോണി
പാണ്ടിമേളങ്ങളെൻ കരമുതിർത്തീടുമ്പോൾ
പൂമിഴികൾ നൃത്ത,മാടുന്നെൻ മുൻപിലായി

പാലൊളിയാൽ ശയ്യവിരിച്ചെത്തിയോൾ
പൂപ്പുഞ്ചിരി വിതറുന്നു മുല്ലപ്പൂക്കളാലെ
പാദസരമൊക്കെയഴിച്ചപോൽ മൗനിയായ്‌
പ്രാണപ്രിയനായ്‌ സർവ്വം സമർപ്പിക്കയായ്‌


പ്രണയത്തിൽ പൂത്തൊരാ തരുണീമണി
പരമമാം നിർവൃതിയിലങ്ങലിയുമ്പൊഴും
പരിഭവപ്പെട്ടാ മിഴി കൂമ്പിയടയുമ്പോൾ
പതിഞ്ഞൊരു നുള്ളലാലമർത്തിടുന്നു


പുലരിയിൽ കുളിരുമായെത്തിയൊരാലസ്യം
പുണരുന്നൊരുണരുന്ന ഭൂപാളരാഗമായി
പരിരംഭണച്ചൂടിലുരുകുന്ന കുളിർമഞ്ഞും,
പകലോനും കള്ളനായൊളിഞ്ഞു നോക്കി

പുലർമഞ്ഞു തുള്ളികൾ കണ്ണു പൊത്തീടുന്നു
പറന്നൊളിച്ചീടുന്നു കുഞ്ഞിക്കുരുവികളും
പനിനീർപ്പൂ പരിമളം വിതറിയാനയിക്കുന്നു
പ്രകൃതിയും നേരുന്നു മംഗളാശംസകൾ

.................................

53 comments:

Kalavallabhan said...

എല്ലാവർക്കും പുതുവത്സരാശംസകൾ നേരുന്നു.

ആറങ്ങോട്ടുകര മുഹമ്മദ്‌ said...

പുതുവത്സരാശംസകൾ

shajkumar said...

പുതുവത്സരാശംസകൾ നേരുന്നു.

ശ്രദ്ധേയന്‍ | shradheyan said...

കേട്ടു വായിക്കാന്‍ ഏറെ സുഖം. പുതുവര്‍ഷാശംസകള്‍

പൊട്ടന്‍ said...

പുതുവത്സരത്തില്‍ പ്രതീക്ഷയും സന്തോഷവും പകരുന്ന കവിതക്ക്, വയനാ സുഖവും ആദ്യാക്ഷര പ്രാസവും കൂടെ ആയപ്പോള്‍ പ്രഥമന് കദളിപ്പഴം കൂടെ കിട്ടിയ രുചി.
നന്ദി കലാവല്ലഭന്‍
നവവല്‍സരാശംസകള്‍

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

‘പ്രണയത്തിൽ പൂത്തൊരാ തരുണീമണി
പരമമാം നിർവൃതിയിലങ്ങലിയുമ്പൊഴും
പരിഭവപ്പെട്ടാ മിഴി കൂമ്പിയടയുമ്പോൾ
പതിഞ്ഞൊരു നുള്ളലാലമർത്തിടുന്നു


പുലരിയിൽ കുളിരുമായെത്തിയൊരാലസ്യം
പുണരുന്നൊരുണരുന്ന ഭൂപാളരാഗമായി
പരിരംഭണച്ചൂടിലുരുകുന്ന കുളിർമഞ്ഞും,
പകലോനും കള്ളനായൊളിഞ്ഞു നോക്കി..’


ഒരു ചാരനെ പോലെ എന്റെ ശയനമുറിയിലെ കാഴ്ച്ചകൾ..
ഒരു ഒളി നോട്ടത്താൽ ഭായിയും കണ്ടുവോ...? !

“നവവത്സരത്തിനാദ്യരാവുണർന്നെഴുന്നേറ്റിട്ടിതാ ;
നവ്യാനുഭൂതികളാൽ കണ്ടിടുന്നെൻ അനുഭവം...
നവരസങ്ങളാലീവരികളിലൊരുവല്ലഭനെഴുതിയ ,
നവീനമായ ഇക്കവിത കേട്ടത്ഭുതപ്പെട്ടു ഞാൻ..!“

Prins//കൊച്ചനിയൻ said...

നല്ല താളമുള്ള കവിത. കേട്ടുവായിക്കുമ്പോൾ (ചൊല്ലുമ്പോൾ) ആസ്വാദ്യത വർദ്ധിക്കുന്നു, നല്ല വായനാനുഭവം നൽകുന്നു.
പുതുവത്സരാശംസകൾ...

ഞാന്‍ പുണ്യവാളന്‍ said...

വളരെ മനോഹരമായ കവിത .... വശ്യമായ പദവിന്യാസം
അഭിനന്ദനങ്ങള്‍ സ്നേഹാശംസകളോടെ പുണ്യാളന്‍

Satheesan .Op said...

വളരെ ഇഷ്ടായി കവിത .

Pradeep Kumar said...

വായനയോടൊപ്പം കവിത കേള്‍ക്കുകയും ചെയ്യുന്നത് ആനന്ദകരമായ അനുഭവമാണ്...

ശ്രീനാഥന്‍ said...

നല്ല താളത്തിൽ തന്നെ പുതുവത്സരം വരുന്നല്ലോ, സന്തോഷം. ആശംസകൾ!

പട്ടേപ്പാടം റാംജി said...

സൌന്ദര്യത്തോടെ പുതിയ വര്ഷം വിരിഞ്ഞു.

സങ്കൽ‌പ്പങ്ങൾ said...

aasamsakal

നികു കേച്ചേരി said...

ഇംമ്പമായി പാടിയിരിക്കുന്നു..
പുതുവത്സരാശംസകൾ.

moideen angadimugar said...

പുതുവത്സരാശംസകൾ.

ഇലഞ്ഞിപൂക്കള്‍ said...

പുതുവത്സരാശംസകള്‍..

Kalavallabhan said...

ആറങ്ങോട്ടുകര മുഹമ്മദ്‌
ഷാജ്കുമർ
ശ്രദ്ധേയൻ

മൂവർക്കും എന്റെയും പുതുവത്സരാശംസകൾ നേരുന്നു.

ബെഞ്ചാലി said...

പുതുവത്സരാശംസകൾ

Kalavallabhan said...

പൊട്ടന്‌ :
പുതുവത്സരത്തിലെ എന്റെ കവിത ഇത്രയേറെ രുചിയോടെ അനുഭവിച്ചു എന്നറിഞ്ഞതിൽ അതിയായ സന്തോഷമുണ്ട്‌.
നന്ദി, ഒപ്പം പുതുവത്സരാശം സകളും

Kalavallabhan said...

മുരളീമുകുന്ദൻ ബിലാത്തി പട്ടണം :

"ഒരു ചാരനെ പോലെ എന്റെ ശയനമുറിയിലെ കാഴ്ച്ചകൾ..
ഒരു ഒളി നോട്ടത്താൽ ഭായിയും കണ്ടുവോ...? !"

കണ്ടോ കണ്ടോ, "ഒരു ചാരണെ പോലെ" ഇതൊക്കെ എല്ലാ ശയനമുറിയിലേയും കാണാ കാഴ്ച്ചയല്ലേ. 1995 ലെ ജനുവരി അക്ഷരങ്ങളിലൂടെ കവിതയിലേക്കിറങ്ങി അത്രമാത്രം.

അത്ഭുതം കൂറുന്ന വരികളെന്നെയും അത്ഭുതപ്പെടുത്തുന്നു.
പുതുവത്സരാശം സകൾ

Kalavallabhan said...

പ്രിൻസ്‌/കൊച്ചനിയൻ :
ആദ്യമായിട്ടാണീവഴിയെന്നു തോന്നുന്നു. എന്റെ കവിത ആസ്വദിച്ച്‌ നല്ല ഒരു അഭിപ്രായം അറിയിച്ചതിനു നന്ദി.
പുതുവത്സരസം സകളും.

ഞാൻ പുണ്യവാളൻ :
പുണ്യവാളന്റെ അഭിപ്രായം എന്നിൽ വളരെയധികം സന്തോഷമുളവാക്കി. നന്ദി, പുതുവത്സരാശം സകൾ

സതീഷ്‌ ഒപി :
കവിത ഇഷ്ടമായെന്നറിയിച്ചതിൽ സന്തോഷം. പുതുവത്സരാശം സകൾ

SASIKUMAR said...

നല്ല പുതുവര്‍ഷം നേരുന്നു. കവിത തന്നെ നന്മ രൂപമാണ്ടതാണല്ലോ

c.v.thankappan,chullikattil.blogspot.com said...

പുതുവത്സരത്തില്‍ പദങ്ങള്‍ കൊണ്ടൊരു-
പുഷ്പാഭിഷേകം.
മനോഹരമായിരിക്കുന്നു.
ആശംസകളോടെ,
സി.വി.തങ്കപ്പന്‍

മാനവധ്വനി said...

കവിത മനോഹരമായിരിക്കുന്നു.. പുതുമയുണർത്തുന്ന കവിതകൾ ഇനിയും പിറക്കട്ടേ താങ്കളിലൂടെ
പുതുവത്സരാശംസകൾ

വേണുഗോപാല്‍ said...

പുലരിയിൽ കുളിരുമായെത്തിയൊരാലസ്യം
പുണരുന്നൊരുണരുന്ന ഭൂപാളരാഗമായി
പരിരംഭണച്ചൂടിലുരുകുന്ന കുളിർമഞ്ഞും,
പകലോനും കള്ളനായൊളിഞ്ഞു നോക്കി

ഈ വര്‍ഷം കലാവല്ലഭന്‍ കവിതകള്‍ പിറക്കട്ടെ .. ഒരായിരം
നല്ല വരികള്‍ ... നല്ല കവിത
പുതുവത്സരാശംസകള്‍

ഖസാഖ് said...

നവവത്സരത്തില്‍ വിടര്‍ന്ന കവിതാകുസുമങ്ങളേറെ ഹൃദ്യം....ആശംസകള്‍!

മനോജ് കെ.ഭാസ്കര്‍ said...

കേട്ടുകൊണ്ട് വായിച്ചപ്പോള്‍ നല്ലൊരനുഭൂതി ലഭിച്ചു....
‘ഇരയിമ്മന്‍ തമ്പി നല്‍കും ശൃ◌ഗാരപദലഹരി‘ അതുപോലെ പകര്‍ന്നു നല്‍കിയ നല്ലൊരു കവിത പുതു വര്‍ഷത്തില്‍ കേള്‍പ്പിച്ചതിന് നന്ദി,
അഭിനന്ദനങ്ങള്‍...

Radhakrishnan said...

അഭിനന്ദനങ്ങള്‍.....

പ്രയാണ്‍ said...

പുതുവത്സരാശംസകൾ. ഒരുപാട് ചൊല്‍ക്കവിതകളാല്‍ നിറയട്ടെ ഈ വര്ഷം.

നാമൂസ് said...

ഈ താളം വര്‍ഷാവസാനം വരെയും..
പുതുവത്സരം. കവിതക്കഭിനന്ദനം.

Kalavallabhan said...

@ ശശികുമാർ : സന്തോഷം.
@ സി.വി. തങ്കപ്പൻ,ചുള്ളിക്കാട്ടിൽ.കോം :
താങ്കളുടെ അഭിപ്രായം എന്നെ വളരെയധികം സന്തോഷിപ്പിക്കുന്നു.
@ മാനവധ്വനി :
വളരെയധികം നന്ദി.
@ വേണുഗോപാൽ :
ആശം സകൾക്കു നന്ദി.
@ ഖസാഖ്‌ : നന്ദിയുണ്ട്‌.
@ മനോജ്‌ കെ ഭാസ്കർ : ഹേയ്‌, അത്രയൊന്നുമില്ല. താങ്കൾക്ക്‌ ഇഷ്ടമായതിൽ സന്തോഷമുണ്ട്‌
@ രാധാകൃഷ്ണൻ : നന്ദി.
@ പ്രയാൺ : വളരെയധികം നന്ദി.
@ നാമൂസ്‌ : വളരെ സന്തോഷം.

ചെകുത്താന്‍ said...

:))

Kalavallabhan said...

ചെകുത്താൻ : വന്നതിൽ സന്തോഷം. അൽപം ബുദ്ധിമുട്ടിലായിരുന്നു. ഇപ്പോൾ മാറിയെന്ന് തോന്നുന്നു.

കുമാരന്‍ | kumaaran said...

ഈ പുതുവത്സരാഘോഷം നന്നായി കേട്ടൊ.

Kalavallabhan said...
This comment has been removed by the author.
Kalavallabhan said...

കുമാരൻ :
ങും... കേട്ടു കേട്ടു...

Shahir K B said...

Click Here to Enter a MAGICAL World

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

ഈ മാസത്തെ ബിലാത്തിമലയാളിയിൽ ഈ കുളിരുള്ള പാട്ട്, യൂറോപ്പുമലയാളികളും കണ്ടൂട്ടാ
ദേ ഈലിങ്കിൽ പോയാൽ കാണാം
https://mail.google.com/mail/?shva=1#inbox/134f131c81fc0e5b

കുസുമം ആര്‍ പുന്നപ്ര said...

very nice

Kalavallabhan said...

@ മുരളീമുകുന്ദൻ ബിലാത്തിപ്പട്ടണം :
ശ്രീ അലക്സിന്റെ മെയിലിലൂടെ അഡ്വാൻസ്‌ കോപ്പി കണ്ടിരുന്നു.

@ കുസുമം ആർ പുന്നപ്ര : സന്തോഷം

മലയാള കവിത said...

Nice Kavitha....Submit your Malayalam kavitha in Vaakyam.com
http://vaakyam.com/

രമേശ്‌ അരൂര്‍ said...

പുതുവല്‍സരാശംസകള്‍ ...കവിത കേട്ടുകൊണ്ട് വായിച്ചു ,,കാലാനുസൃതമായി കാവ്യ ബിംബങ്ങളും വാക്കുകളും കൂടി പരിഷ്കരിച്ചാല്‍ കുറച്ചു കൂടി ആസ്വാദ്യകരമാവും എന്ന് തോന്നി ..

ആത്മരതി said...

പുതുവത്സരത്തിൽ താങ്ങളെഴുതിയകവിത വായിച്ചു.പ്രാസവും ഈണവും ബോധിച്ചു.കവിതകളും കഥകളും മനുഷ്യനെന്തെങ്കിലും നൽകുന്നതാവണം.വെറുതെ വായിച്ചുപൊയാൽ അതെല്ലാം പതിരാകും .വായനാസുഖമെന്നതിലുപരി വളരുന്നതാവണം സാഹിത്യം.

തക്ഷയ.. said...

കവിത കൊള്ളാട്ടൊ ..
വോയിസ് ബ്ലോഗിൽ add ചെയ്യുന്നതെങ്ങനെയെന്നു പറഞ്ഞു തരാമൊ?

Kalavallabhan said...

@ ആത്മരതി : താങ്കളുടെ അഭിപ്രായത്തോടു യോജിക്കുന്നു. പതിരാവരുത്‌.

അനശ്വര said...

കവിത കേട്ടു..വായിച്ചു..നന്നായിരിക്കുന്നു..പുതുവത്സരാശംസകള്‍...

G. Nisikanth (നിശി) said...

അവസാനം ഞാനും വന്നു..!!! :)

എന്റെ ജനുവരിയിൽ നിന്ന് ഇവിടെയെത്തിയപ്പോൾ അതാ ഇവിടേം ജനുവരി...:)

നല്ല ഒഴുക്കോടെ എഴുതിയിരിക്കുന്നു. പാടിയത് ഇച്ചിരൂടെ ശരിയാകാനുണ്ട്. എന്നാൽ ആലാപനത്തിലെ കുറവുകൾ കവിതയുടെ കാര്യത്തിൽ നോക്കേണ്ടാ.

ഒരു നല്ല പുതുവർഷം ആശംസിക്കട്ടേ.. മാസത്തിലൊരിക്കലുള്ള ഈ സമർപ്പണങ്ങൾ മറക്കാതെ വന്ന് ഏറ്റുവാങ്ങിക്കൊള്ളാം, ട്ടൊ...:)

Kalavallabhan said...

തക്ഷയ :

താങ്കൾ ബ്ലോഗ്‌ രംഗത്തെ നമ്മുടെ ഗുരുവായി വിളങ്ങുന്ന "ആദ്യാക്ഷരി" യിലേക്കു പോകൂ. അവിടെ 'വിഷയ സൂചികയിൽ' ക്ലിക്കി "പാടാം, പറയാം - പോഡ്കാസ്റ്റ്‌" ക്ലിക്ക്‌ ചെയ്യൂ.... വായിക്കൂ... , താങ്കളുടെ ചോദ്യത്തിന്‌ ഉത്തരം കിട്ടും.

Kalavallabhan said...

@ G.Nisikanth(നിശി) :
താങ്കളുടെ സന്ദർശനവും അഭിപ്രായവും എന്നെ വളരെയധികം സന്തോഷിപ്പിക്കുന്നു. നന്ദി.

Kalavallabhan said...

@ രമേശ്‌ അരൂർ :

വളരെയധികം നന്ദി.

വി.എ || V.A said...

‘പുതുവത്സരാശംസകൾ’ ഒന്നരമാസം കഴിഞ്ഞുപറഞ്ഞാലും പുതുമയുണ്ടാവും, ഭാവുകങ്ങൾ... പ്രകൃതിയിലെ ലാസ്യഭംഗിയെ വളരെ ലളിതമായി വർണ്ണിക്കുകയും, അത് കേൾപ്പിച്ചുകൊണ്ട് വായിപ്പിക്കുകയും ചെയ്യുന്ന വിരുത്... പ്രശംസനീയം. അനുമോദനങ്ങൾ........

മണ്ടൂസന്‍ said...

ഇതിൽ ഓരോ മാസത്തിനും ഈരണ്ടോ മൂന്നോ വരികളായിരുന്നേൽ നല്ല രസം ഉണ്ടാകുമായിരുന്നു വായിക്കാൻ, നല്ല പുതുവർഷാശംസകൾ. കവിതയ്ക്ക് ആശംസകൾ.

പ്രവീണ്‍ കാരോത്ത് said...

വളരെ നല്ല ശബ്ദം, അസൂയ വന്നു പോയി, പക്ഷെ കവിത ഒരേ ഈണത്തില്‍ ചൊല്ലാന്‍ കഴിയുമ്പോലെ ചിട്ടപ്പെടുത്താമായിരുന്നു, ആശംസകള്‍ മാഷേ, ഞാന്‍ ബാക്കി കൂടി ഒന്ന് വായിക്കട്ടെ, പക്ഷെ കമന്റാനുള്ള ക്ഷമ കുറവാണ് കേട്ടോ, അതുകൊണ്ട് വേറെ എവിടെയും കമന്റില്ല കേട്ടോ!