Thursday, March 1, 2012

വസന്തകാലം

വസന്തകാലം


(ഈ പ്ലേ ബട്ടണിൽ അമർത്തി കേട്ടുകൊണ്ട്‌ വായിക്കൂ...)


ഉത്തരായനത്തിൻ ഉഷ:സന്ധ്യയിൽ
ഉണരുന്നൊരാദിത്യ മുഖംചുവന്നു
ഉറങ്ങുമൊരുലകം പുതച്ചമഞ്ഞിൻ
ഉദകക്രിയാശേഷം തൻ തേരിലേറി

നീലപ്പട്ടാടയാൽ ആകാശം കാൺകെ
നാണത്താൽ നരച്ചോരിലകൾ ഒളിച്ചുകീഴെ
നനുനനുത്തിളം നാമ്പു തലയാട്ടികളിച്ചും
നെറുകയില്പുഷ്പാഭരണങ്ങളണിഞ്ഞിടുന്നു

ചൂടിയപൂവൊക്കെയും ചിരിച്ചുനിന്നപ്പോൾ
ചൂളമടിച്ചെത്തും തെന്നൽ ഉരുമ്മിനീങ്ങി
ചുറ്റുംവിരിച്ചിട്ട പൂമെത്തതൻ മേലെ
ചാഞ്ഞു കൈമാറുന്നൊരു പ്രണയാർദ്രമുദ്ര

പാട്ടൊന്നു പാടുവാൻ തോന്നുമീകാലത്ത്
പാടുവാനല്ലാ കുയിലിന്നു കൂവൽ മാത്രം
പാടുന്നതിവിടെയീ ഇളംതെന്നല്ലല്ലോ
പാടിപ്പതിഞ്ഞൊരീ ഈണത്തിനാൽ

വാസന്തവർണ്ണാഞ്ചിത ചിത്രങ്ങളെല്ലാം
വസുധതൻ കസവുനൂൽ പുടവകളിൽ
വാസനയുണർത്തി ഒരുങ്ങിടുമ്പോൾ
വാനിൽ ചുടുനിശ്വാസമുതിർന്നിടുന്നു

- കലാവല്ലഭൻ.
............................

26 comments:

Kalavallabhan said...

ഫെബ്രുവരി മാസ കവിതയായ "വയനാടൻ ചരിതം" വായിക്കുകയും കേൾക്കുകയും അഭിപ്രായം അറിയിക്കുകയും ചെയ്ത എല്ലാ സുഹൃത്തുക്കൾക്കും നന്ദി അറിയിക്കുന്നു.

വര്‍ഷിണി* വിനോദിനി said...

ഇഷ്ടായി ട്ടൊ..
ചെറുതുരുത്തി കലാമണ്ഡലം പരിസരത്തു കൂടെ പോയ നിർവൃതി..അഭിനന്ദനങ്ങൾ...!

Kalavallabhan said...

@ വർഷിണി* വിനോദിനി :

ആദ്യ അഭിപ്രായം അറിയിച്ച താങ്കളോട്‌ നന്ദിയുണ്ട്‌.

പട്ടേപ്പാടം റാംജി said...

വസന്തം വിരിയിച്ച വരികള്‍.
പ്ലേ ബട്ടണില്‍ ഒന്നും വരുന്നില്ലല്ലോ.

പൊട്ടന്‍ said...

പതിവ് പോലെ നന്നായി

സങ്കൽ‌പ്പങ്ങൾ said...

കലാവല്ലഭന്റെ പുതിയ കവിതയും പഴയ കവിതകൾപ്പോലെ തന്നെ നന്നായി.ആശംസകൾ...

c.v.thankappan said...

വരികള്‍ സുന്ദരം.
ആലാപനം ആസ്വാദ്യകരം.
ആശംസകള്‍

ajith said...

കലാ വല്ലഭന്‍ തന്നെ. ചൊല്ലിക്കേള്‍ക്കാന്‍ കഴിഞ്ഞതില്‍ സന്തോഷം

DEJA VU said...

നല്ല ഈണതില്ലുള്ള കവിത ആശംസകള്‍

Kalavallabhan said...

പട്ടേപ്പാടം റാംജി :

വരുമല്ലോ , ദാ കേട്ടവർ തായുണ്ടല്ലോ, ഒന്നുകൂടി ട്രാ‍ീ ചെയ്തു നോക്കൂ.
..................................................................
പൊട്ടന്‌ :

വന്നതിലും അഭിപ്രായം അറിയിച്ചതിനും നന്ദി

..................................................................

സങ്കൽപ്പങ്ങൾ :

വളരെയധികം സന്തോഷമുണ്ട്‌.

..................................................................

സി.വി. തങ്കപ്പൻ :

വളരെ നന്ദി.

മര്‍ത്ത്യന്‍ said...

നല്ല വരികള്‍ നല്ല ശബ്ദം

ഞാന്‍ പുണ്യവാളന്‍ said...

വാസന്തവർണ്ണാഞ്ചിത ചിത്രങ്ങളെല്ലാം
വസുധതൻ കസവുനൂൽ പുടവകളിൽ
വാസനയുണർത്തി ഒരുങ്ങിടുമ്പോൾ
വാനിൽ ചുടുനിശ്വാസമുതിർന്നിടുന്നു


നല്ല സുഖമുള്ള വായനാനുഭവം നല്‍കിയതില്‍ നന്ദി

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

‘പാട്ടൊന്നു പാടുവാൻ തോന്നുമീകാലത്ത്
പാടുവാനല്ലാ കുയിലിന്നു കൂവൽ മാത്രം
പാടുന്നതിവിടെയീ ഇളംതെന്നല്ലല്ലോ
പാടിപ്പതിഞ്ഞൊരീ ഈണത്തിനാൽ..’



ഈ വായനയും ,കേൾവിയും പഴയ വസന്തകാല സ്മരണകളിലേക്ക് കൂട്ടികൊണ്ടുപോയി കേട്ടൊ ഭായ്

Joy Varghese said...

പാട്ടൊന്നു പാടുവാൻ തോന്നുമീകാലത്ത്
പാടുവാനല്ലാ കുയിലിന്നു കൂവൽ മാത്രം..

ദേഹിയില്ല ദേഹിക്കിപ്പോള്‍ ദാഹമില്ല എന്നാ ഗാനം ഓര്മ വന്നു

മുകിൽ said...

nannayi.

Kalavallabhan said...

@ അജിത്‌ :
ഇനിയും വരണം.
.................................
@ DEJA VU :
സന്തോഷം
.................................
@ ഞാൻ പുണ്യവാളൻ :
വളരെ സന്തോഷം
.................................
@ മുരളീമുകുന്ദൻ, ബിലാത്തിപ്പട്ടണം :
"വസന്തകാല സ്മരണ" ഉണർത്താനായതിൽ സന്തോഷം.
.................................
@ ജോയ്‌ വർഗ്ഗീസ്‌ :
ഓർമ്മകളെ പുതുക്കുവായി എന്നറിഞ്ഞതിൽ സന്തോഷം
.................................
@ മുകിൽ :
വളരെ സന്തോഷം

വേണുഗോപാല്‍ said...

വാസന്തവർണ്ണാഞ്ചിത ചിത്രങ്ങളെല്ലാം
വസുധതൻ കസവുനൂൽ പുടവകളിൽ
വാസനയുണർത്തി ഒരുങ്ങിടുമ്പോൾ
വാനിൽ ചുടുനിശ്വാസമുതിർന്നിടുന്നു

നല്ല വരികള്‍ ...
ഈ പാടുന്നത് കവി തന്നെയാണോ ?
നല്ല ശബ്ദം
ആശംസകള്‍

Kalavallabhan said...

@ വേണുഗോപാല്‍ :
അതെ ഞാൻ തന്നെ.
അഭിപ്രായത്തിനും ആശംസകൾക്കും നന്ദി.

കൊച്ചുമുതലാളി said...

ആലാപനം നന്ദായിട്ടൂണ്ട് സുഹൃത്തേ! ഒരു ലളിതഗാനം സ്റ്റൈലാണെന്നാണ് എനിയ്ക്ക് തോന്നിയത്.

പഴ്ശ്ചാത്തലമായി എന്തെങ്കിലും ശ്രുതിയിട്ടിരുന്നെങ്കില്‍ ഒന്നുകൂടി കേമമായേനെ. പിന്നെ റെക്കോഡ് ചെയ്തതിനുശേഷം ഡിലേ ഇഫക്ട്സ് കൊടുത്തൊന്ന് ശ്രമിച്ചു നോക്കൂ‍. നല്ല ക്വാളിറ്റിയുള്ള മൈക്ക് ഉപയോഗിയ്ക്കുകയാണെങ്കില്‍ ഹിസ്സിംഗിന്റെ അപാകത പൂര്‍ണ്ണമായു ഒഴിവാക്കാം.

നന്ദി! ആശംസകള്‍!

ഹരിതം said...

fine

Kalavallabhan said...

കൊച്ചുമുതലാളി :

കൊച്ചു മുതലാളിയുടെ ഈ വരവ്‌ എന്നിൽ വളരെയധികം സന്തോഷം ഉളവാക്കുന്നു.
താങ്കൾ പറയുന്ന ഈ സാങ്കേതിക തികവുകളൊന്നും ഉപയോഗപ്പെടുത്താനറിയാത്തവനാണ്‌ ഞാൻ. ഞാനിത്‌ റിക്കാർഡ്‌ ചെയ്ത രീതിയെപ്പറ്റി, ഇത്രയേറെ അറിയാവുന്ന താങ്കൾ, അറിഞ്ഞാൽ എന്നെ കളിയാക്കും. അതിനാൽ അത്‌ രഹസ്യമായി വയ്ക്കുന്നു. എങ്കിലും ഇനിയും ക്വാളിറ്റി കൊണ്ടുവരാൻ ശ്രമിക്കാം.

ക്വാളിറ്റി റിക്കാർഡിങ്ങിനുള്ള സോഴ്സും രീതിയും അറിയുന്നവർ പറഞ്ഞു തരിക.

നന്ദി.

നാമൂസ് said...

പതിവ് പോല്‍... ഹൃദ്യം..!

jayarajmurukkumpuzha said...

othiri nannayittundu..... bhavukangal... pinne blogil puthiya post...... URUMIYE THAZHANJAVAR ENTHU NEDI...... vayikkumallo.....

കൊച്ചുമുതലാളി said...

സാധാരണ റെക്കോഡിങ്ങിന് ഉപയോഗിയ്ക്കുന്നത് കൂള്‍ എഡിറ്റ് പ്രോ എന്നൊരു സോഫ്റ്റ് വെയറാണ്. വളരെ ലളിതമായി ആര്‍ക്കും ഉപയോഗിയ്ക്കാന്‍ പറ്റുന്ന സോഫ്റ്റ്വെയറാണിത്. നല്ല ക്വാളിറ്റിയോട് ഇനി റെക്കോഡ് ചെയ്യാം.:) ഞാന്‍ ഇപ്പോള്‍ തന്നെ സോഫ്റ്റ്വെയറും, ടൂട്ടോറിയലും അയച്ച് തരാം.. ശുഭദിനാശംസകള്‍!

മണ്ടൂസന്‍ said...

നല്ല വരികൾ. ലളിതമായത്. അർത്ഥമുള്ളത്. ആശംസകൾ.

കുസുമം ആര്‍ പുന്നപ്ര said...

പാട്ടൊന്നു പാടുവാൻ തോന്നുമീകാലത്ത്
പാടുവാനല്ലാ കുയിലിന്നു കൂവൽ മാത്രം
പാടുന്നതിവിടെയീ ഇളംതെന്നല്ലല്ലോ
പാടിപ്പതിഞ്ഞൊരീ ഈണത്തിനാൽ..’
ലളിത സുന്ദരം